| Perfil de ßεŷōńd◦ஐ˚◦ ๑ღ ◦ஐ˚◦ ๑ღ .. Beyon...FotosBlogListas |  Herramientas  Ayuda |
|
◦ஐ˚◦ ๑ღ ◦ஐ˚◦ ๑ღ .. Beyond Feelings..ღ๑◦˚ஐ◦ღ๑◦˚ஐ◦الحالمون يسافرون دائما وقوفا لانهم يأتون متأخرين عن الآخرين بخيبة
15 enero Sway
26 diciembre قبلكقبلك .. كنت محتاجلك
تلاقيني
و تديني
ملامح عمري و سنيني
و ترسم لي
علي جبين الزمن .. ضحكة
تواسيني
اذا مرت اوام .. أيام
و فُتيني
انا قبلك كنت شيء تاني
و لا عمري حسبت العمر بدقايق
و لا ثواني
و عايش دنيتي رحال
مع الترحال .. و أحلامي
و ماشي .. بس متحير
و غربة في قلبي وجعاني
و ألف سؤال يسلمني ..لألف سؤال
لإمتى يا قلبي هستنى علي دا الحال
.عشانك بس تلاقيني ..و تاخديني
16 diciembre عصفورتي ماتت الموضوع قد يعتبره البعض تافه
يعني من الآخر اصحاب القلوب الغير رقيقة يمتنعون
:
:
للموت رهبة
سواء في البني آدمين او في الحيوانات
بس ساعات بعض البني آدمين بيعتبروا موت الحيوان شيء ليس له قيمة
بدليل انه احيانا بنسمع مثل بيقول آهو كلب و راح
و كأن الكلب دا مكنش روح أو ان ربنا خلقه بلا فائدة
:
:
يعني الموضوع أولا و أخيرا عن روح
أما ما بين الــ أولا و الــ أخيرا فهو طائر و انا فعلا اتعلقت بيه
و دا لأن جي جي كانت فعلا ألوفة جدا و حبوبة
كمان مكنتش بتخاف مني و كانت بتيجي لايدي و تنقرني في صوابعي
:
:
مفكرتش اني هضطر في يوم من الايام اني اتحط في موقف الكبار
اللي مضطرين يخبوا علي الصغيرين نبأ موت طائر او حيوان أليف
لطيف انك تكون صغير
يدوروا لك هما علي المبررات
و يشيلوا عنك
يرتبوا لك مشاعرك بحيث انها متتكركبش علي بعضها في اسئلة من نوعية ليه و ازاي
تتفاجيء بالوضع الجديد ذو المبرر المقنع و تستمر الحياة
حتي لو حبيت تعيط هتعيط براحتك .. علي اساس انك صغنن
اكيد دا يبقي شيء لطيف
:
:
بعد هدوء العاصفة.. الداخلية طبعا
و رغم عدم اعتيادي على عدم وجود جي جي
كان لازم اجيب لــ أون أون حد
منظره يقطع القلب اساسا
حتي معدش بيزقزق
و رغم ان تينا جميلة شكلا يعني احلى من جي جي الله يرحمها
لكن هو مش قابلها لسة طبعا
دا غير انها شقية جدا جدا
و استولت علي المرجيحة كمان رغم انها كانت مكان اون اون المفضل
و هو يا حرام واقف ع المجثم مش بيغير مكانه غير للاكل بس
و نظرته حزينة جدا
:
:
جي جي و أون أون هما اول بادجي أربيه
و هما أول عصفورتين عرفت منهم ليه الناس بتقول علي أي اتنين بيحبوا بعض انهم جوز عصافير
كانوا بيبهجوني جدا الصبح بدري بصوتهم و خصوصا لما يعلا
و منظر قرقشتهم لمناقير بعض كانت بتضحكني اوي
خصوصا انهم تقريبا طول الوقت بقهم في بق بعض
كمان كانوا بيتبسطوا اوي لما يسمعوا فيروز او اغنيلهم حاجة ليها
:
:
أون أون كنت بقول عليها دايما مغرور
و ساعات كنت اقرب منه و اقوله قول ورايا انا مش طاووس انا عصفور
فعلا كان بينرفزني
طول الوقت بيرتب في ريشه و خصوصا ديله و هو ماشاء الله جميل
حتي جي جي كانت تفضل وقت طويل تنضفه
كمان مكنش ياكل من فاكهة او خضار غير لما جي جي تاكل منه و تدوقه و بعدها ياكل
لكن مع الوقت لاحظت انه هو كمان بيحبها و بياكلها
هي جي جي كانت حنينة جدا و ألوفة جدا
كنت لما ادخل ايدي في القفص تنزل في ارض القفص ليا
اول مرة مسكتها لما اتعورت و حبيت اطهر لها الجرح
مبطلتش سريخ و عض فيا
لكن مع الوقت اخدنا علي بعض
و لما جيت اغيرلهم القفص و جبت لهم قفص كبير
اول ما جيت امسكها جت لايدي و مقالتش اي حاجة..عضة واحدة و من غير فلفصة
بس للاسف تاني يوم ماتت
:
:
الغريب انها كانت عادية جدا بتلعب و بتاكل طبيعي اوي
فاكراها قبل المغرب بشوية كانت بتاكل من المحار و الحبوب
و بتتنطط مع أون أون عادي
طلعت بعد المغرب اغطيهم
اتفاجئت بــ أون أون شكله غريب جدا و واقف زي ما يكون خايف
قربت قلتله مالك عامل كدا ليه
ببص تحت لقيتها "متكومة" في طبق الاكل
:
:
كان نفسي تبقى مغمي عليها بس
مع ان بيتهيألي مفيش عصافير يغمي عليها
موقف كان وحش اوي
و اني اضطر افتح القفص و اشيلها و افحصها
و احاول استوعب انها ماتت
و ما يترتب علي ذلك من احداث
و احباط و اكتئاب
:
:
يارب أون أون يحب تاني
و تينا تبقي حنينة عليه زي جي جي
لانه يستاهل
Life goes on و لأن
 :
:
: 15 noviembre كنا نتلاقي
30 septiembre النور و الضلكلنا بين النور و الضل بنتخلق في الضل و نتولد للنور و بنفضل في المسافة اللي بينهم نتحرك و بتفضل دواخلنا أغلبها في الضل و لا تتعرض للنور إلا قليلا مناطق جوانا كلنا محدش يعرف عنها حاجة و مبنخليش حد يوصلها بسهولة الجانب الآخر منا شرورنا الصغيرة علاقتنا بأنفسنا و بالله رغباتنا أحلامنا و المسألة كلها بإختيارنا.. بإيدينا نختار ايه اللي في النور و ايه اللي يفضل في الضل و رغم ان دواخلنا هي اللي بتدينا انسانيتنا علشان متبقاش تعاملاتنا مجرد سلوك اجوف لكن يبقى التوازن بين الداخلي و الخارجي هو الأهم علشان يبقى اللي جوا ضل للي برة و الاتنين يعبروا عن حد واحد بس مش اتنين يعني تبقي حد شبه نفسه اوي أو بمعنى تاني تكون أكثر اتساقاً مع ذاتك 03 septiembre blue september Looking out across the empty streets Blue September, the nights are closing in Filing past the border guards of dreams Blue September, the nights are closing in Long ago, it seems to me, I had a dream Blue September, the nights are closing in Blue September, lay the past to rest 15 noviembre هذيانهذيان ٌ .. إن قلت .. نسيتك و أكذّب قلبي .. و عينايْ :: :: شلال ُ حنانك .. يغمرني من رأسي .. حتى قدمايْ :: :: إحساسُك .. يأتيني .. همساً و العطرُ يلثم .. شفتايْ :: :: و أتوه علي دربِ .. بنانك و ضلوعك تغدو سكنايْ :: :: أشواقك تهرب .. من عينك و تهيم علي كف .. هوايْ :: :: أنا أخجل من تلك النظرة !!.. ما بال عيونك .. مولايْ 06 septiembre و القطنة مبتكدبش
ليس إلا for fun يعني علي الرغم ان عملت الكويز دا و مكنتش اكيدة اني فعلا هتطلع لي باريس لكن بصراحة فرحت فرحة طاغية لان باريس هي حلم حياتي فعلا من ايام زمان زمان لما كان ابن عمتي بيدرس هناك في السوربون و كنت بحقد عليه حقد فززززيع و لا ايامي المدرسة بأة و صور التبادل الطلابي و الافلام الهندي دي و كنت هموت و اروح و خصوصا كان جالنا مدرسة من هناك كانت عاملة زي الشيكولاتة الجلاكسي او زي سندريلا ... سنو وايت .. حاجة كدا زي الفيري تيل و بعدين انا لما كبرت الحلم دا تمعمق زيادة جوايا الحقيقة tv5 حتي بقيت بحب ال mbc2 اكتر من ال و لما اصبحت باريس قاب قوسين او ادني حصلت مشكلة غلسااااااااااااااااااااااة خلتني مسافرتش هو صحيح جالي كام حاجة من باريس و برج ايفل و قوس نصر صغننين انما انا مكنتش عاوزة حاجة من باريس غير اني اكون هناك اركب مركب في السين،، اللي هو عرضه ربع عرض النيل بتاعنا بس نضيف و محدش يجرؤ يفكر اساسا يرمي فيه حاجة اتسكع ليلا في الشانزليزيه امشي في لا ديفونس اتفرح علي اللوفر،، نوتردام ،، ايفل يتلألأ في منتصف الليل اروح ديزني و آكل فشار بالكراميل اروح متحف الشمع امشي في الشوارع و اتكلم مع الناس متكلمش في السياسة لمدة اسبوع استمتع بالهواء النظيف و الجو اللذيذ و الناس البشوشة اللي لازم يبتسموا في وشك و يقولوا لك بنجور بدون سابق معرفة اصل الحالة الاقتصادية عندهم لامؤاخذة مش مأزماهم زينا باري باري ياااه بجد بجد I should live in Paris 28 agosto تداعيات تاركاً عالمه
هارباً من كل شيء ... مخلفاً وراءه بقايا ذكرياتٍ متهالكة و أيامٍ بائسة ..مبعثرأ خطواته علي طرقات لا يعرف إلي أين ستأخذه لم يعد يعبأ لم يعد يبحث عن وطن ...يريد فقط ان يستريح من أناته و هذيان اشواقه ..يريد غرفةً بيضاء فارغة .. إلا من ضوءِ نهارٍ يغمره فلا يرى علي جدرانها تصدع أحلامه و تداعيات امانيه لم يعد يبحث عن وطن ... فقط عن ملاءات بيض يلُف بها روحه .. علّه يتطهر علّه يستريح ...يحدق في الفراغ و يمتلأ به ...يفكر في اللاشيء ...في نفسه .في الله فلم يعد يستطيع تحمل آلامه و زحف الكلمات بإنحناءات دواخله و اشواقه التي تتقاتل .. فتقتله مزق اوراقه.. و نتيجة حائطه و حطم قلمه المفضل .. متعمدا و متعللاً .. بأنه لا يكتب إلا به ...و ترك عالمه و اختار أن يمضي في طرقات لا يعرفها ...أن يضيع .أو .. ان تتلقفه رحمة الخالق .لم يعد يبحث عن وطن 09 agosto Can't take my eyes off you
10 julio في عينيك بكرة ...في عينيك بكرة
.... و بين ضي العيون قناديل
.. تنور ليلي لو عتمة
... بضي جميل
و خطوة ... خطوة ورا خطوة
و جاي تجري .. و عليا تميل
!! و ضحكة ... هي دي ضحكة
... دي طلة بدر بيدندن
. يقول مواويل |
||||||||||||||
.jpg)
|
|
